Hər il olduğu kimi, bu il də redaksiyamız sakinləri narahat edən məsələləri daim diqqət mərkəzində saxlayıb. Bu müraciətlərin əksəriyyəti kommunal, yol infrastrukturu, eləcə də səhiyyə ilə bağlı olub.
İşıqlandırdığımız bir çox müraciətlərə rəsmi qurumlar tərəfindən münasibət bildirilir. Sumqayıt24 bu müddət ərzində sakinlərə çətinlik yaradan problemlərin aidiyyəti qurumlar tərəfindən vəd verildiyi, lakin hələ də həll yolunu gözləyən mühüm müraciətlərin bir qismini yenidən gündəmə gətirir:
Sumqayıt şəhər İcra Hakimiyyətindən məsələ ilə bağlı bunlar bildirilib: “Aidiyyəti qurumlara bu barədə məlumat verilib. Körpüyə baxış keçiriləcək və zəruri tədbirlər görüləcək”.
Sonda çıxış yolu olaraq köprünün üzərinə yükü azaltmaq məqsədilə yol nizamlayıcısı sarı işıqda qoyulub.
“İctimai nəqliyyatdakı mövcud problemlərin aradan qaldırılması üçün tədbirlər planı hazırlanıb. Bu sahədə kompleks tədbirlərin görülməsi nəzərdə tutulub. Qeyd olunan problemlər qeydiyyata alınıb və aidiyyəti qurumlara bu barədə məlumat veriləcək”, – deyə ŞİH bildirib.
Baxımsızlıqdan yararsız vəziyyətdə olan küçələrin əksəriyyəti Corat və Kotec qəsəbələri, eləcə də Xəzər bağları, “Betonzavod”, Yaşıldərə yaşayış massivlərində yerləşir.
Sumqayıt şəhər İcra Hakimiyyəti bunları bildirib: “Şəhərdə təmirə ehtiyacı olan küçələrdə asfaltlanma işlərinin aparılması nəzərdə tutulub. Hər il onlarla küçədə təmir işləri aparılır, yollara asfalt örtüyü salınır. Qeyd olunan ərazidə də tədbirlərin davam etdirilməsi nəzərdə tutulub”.
