Şəhid Murad Məmmədovun mövlududur.
Murad Yusif oğlu Məmmədov 7 dekabr 1995-ci ildə Sumqayıt anadan olub. İbtidai təhsiliniə 23 nömrəli məktəbdə başlayan Murad daha sonra Təbiət Elmləri Təmayüllü Gimnaziyaya qəbul olub, burada 10-cu sinfə qədər oxuyub. O, orta təhsilini 22 nömrəli məktəbdə başa vurub.
Murad bu müddət ərzində cüdo ilə məşğul olub. 2013-2018-ci illər ərzində Azərbaycan Texniki Universitetinin Elektroenergetika mühəndisliyi fakültəsində təhsil alıb.
Məzun olduqdan sonra Məmmədov hərbi xidmətə yollanıb. Xidmətini başa vurduqdan sonra isə “Azərişıq”da mühəndis kimi çalışıb.
1 oktyabr 2020-ci ildə qardaşının Vətən müharibəsində olmasına baxmayaraq, Murad da könüllü döyüşlərə qoşulub. O, bir çox döyüş bölgələrində döyüşüb, oktyabrın 25-də isə Qubadlının azadlığı uğrunda canından keçib. Elə həmin gün Qubadlı şəhəri düşməndən təmizlənib.
Murad Məmmədov ölümündən sonra "Vətən uğrunda" və "Qubadlının azad olunmasına görə" medallarına layiq görülüb.
