Sumqayıtda “Xocalı – Bəşəriyyətə qarşı cinayət” mövzusunda tədbir keçirilib. Bu haqda bu gün, 25 fevral tarixində Gənclər və İdman Baş İdarəsi xəbər verib.
Sumqayıt Peşə Təhsil Mərkəzində baş tutan tədbirdə gənc rəssamların Xocalı soyqırımı ilə əlaqədar rəsm sərgisi nümayiş edilib. Mərkəzin direktoru Yadullah Babayev Xocalı soyqırımı zamanı soydaşlarımıza qarşı törədilən amansız cinayət əməlləri haqda tədbir iştirakçılarına məlumat verib. Baş İdarənin rəisi Elgün Hümbətov, Peşə Təhsil Mərkəzinin əməkdaşları Azad Məcidov, Rza Mərdanov, Qızılgül Mehdiyeva və gənc rəssam-dizayner Aygün İlyasova Xocalı faciəsinin dəhşətləri haqqında mülahizələrini, erməni işğalçılarının törətdikləri bu qanlı qətliamın nə dərəcədə dəhşətli olduğunu bir daha iştirakçılara çatdırıblar.
Tədbir Sumqayıt şəhər Gənclər və İdman Baş İdarəsi, İqtisadi Zonaların İnkişafı Agentliyinin nəzdində Sumqayıt Peşə Təhsil Mərkəzinin birgə təşkilatçılığı ilə təşkil edilib.
