Binəqədi və Abşeron rayonlarının bəzi hissələrinin Sumqayıta birləşdirilməsinə başlanılıb. Sumqayıt24 bu haqda 23 noyabr tarixində İqtisadiyyat.az-a istinadən xəbər verir.
Şəhər İcra Hakimiyyətinin mətbuat xidmətinin rəhbəri Eyvaz Qocayev açıqlamasında bildirib ki, qanun layihəsinin qəbulundan sonra sözügedən ərazilər artıq Sumqayıta verilib.
O xatırladıb ki, burada yaşayan əhalinin sosial təminatı, kommunal və digər xidmətləri həmişə Sumqayıtın dövlət idarələri tərəfindən həyata keçirilib:
"Buranın sakinlərinin Sumqayıt şəhərindəki xidmətlərdən istifadə etmələrinə baxmayaraq, bu ərazilər Binəqədi və Abşeron rayonlarına aid idi. Qanun layihəsinin qəbulundan sonra bu ərazilər artıq Sumqayıta aiddir, eyni zamanda xidmət sahələri də əvvəlki kimi Sumqayıtla bağlı olacaq".
