Xalq artisti Əli Nurzadə başına gələn hadisəni bölüşüb. Sumqayıt24 bu haqda 4 yanvar tarixində xəbər verir.
Onun sözlərinə görə, Zeynəb Xanlarova 1984-cü ildə Sumqayıtdakı stadionda konsert verməli idi:
"O vaxt Sumqayıt Dövlət Dram Teatrının direktoru işləyirdim. Həmin stadion 15 min adam tuturdu, amma 50 min adam gəlmişdi. Zeynəb xanım mahnı oxuya bilmirdi. Hamı ona yaxın olmaq istəyirdi, əlindən tutub şəkil çəkdirmək, üzündən-gözündən öpmək istəyirdilər. Mikrofonu əlimə götürüb insanlara çağırış etdim, ara sakitləşdi. Zeynəb xanım 3 saat fasiləsiz oxudu. O hadisədən sonra məni harada görürsə, deyir ki: "Əli bəy, sən mənim xilaskarımsan". Onu 50 min adamın əlindən xilas etmişdim".
Qeyd edək ki, ötən həftə Zeynəb Xanlarovanın 87 yaşı tamam olub.
