Bu gün sumqayıtlı şəhidin doğum günüdür.
Tacəddin İsmayılzadə 1996-cı il martın 17-də Sumqayıt şəhərində anadan olub. Ali təhsilini Sumqayıt Dövlət Universitetində alıb.
Azərbaycan Ordusunun əsgəri olan Tacəddin İsmayılzadə 2020-ci il sentyabrın 27-də başlanan Vətən müharibəsi zamanı Xocavəndin azadlığı uğrunda gedən döyüşlərdə savaşıb. Tacəddin İsmayılzadə oktyabrın 9-da ağır yaralanıb və tibb müəssisəsinə yerləşdirilib. 2021-ci il fevralın 12-də müalicə aldığı tibb müəssisəsində koma vəziyyətinin 128-ci günündə şəhid olub. Tacəddin İsmayılzadə fevralın 13-də Sumqayıt şəhərinin Şəhidlər Xiyabanında dəfn olunub.
Prezident İlham Əliyevin Sərəncamlarına əsasən, Tacəddin İsmayılzadə ölümündən sonra 3-cü dərəcəli "Vətənə xidmətə görə" ordeni, "Cəsur döyüşçü", "Vətən uğrunda", "Xocavəndin azad olunmasına görə" medalları ilə təltif olunub.
