Bu gün Sumqayıt şəhərində yaşamış şəhidimizin doğum günüdür.
Səbuhi Həsənquliyev 11 aprel 2002-ci ildə Ucar rayonunun Boyat kəndində anadan olub. Atasının işinə görə ailəsi ilə Sumqayıt şəhərinə köçən Səbuhi 2008-ci ildə burada birinci sinfə gedib. 2017-ci ildə 9-cu sinfi bitirərək peşə liseyinə daxil olub.
Azərbaycan Ordusunun əsgəri olan Səbuhi Həsənquliyev 2020-ci ilin aprel ayında hərbi xidmətə yollanıb və sentyabrın 27-də başlanan Vətən müharibəsində iştirak edib. Noyabrın 8-i şəhidlik zirvəsinə ucalıb. Sumqayıt Şəhidlər Xiyabanında dəfn edilib.
Prezident İlham Əliyevin Sərəncamlarına əsasən, Səbuhi Həsənquliyev ölümündən sonra "Vətən uğrunda", "Cəsur döyüşçü", "Şuşanın azad olunmasına görə", "Xocavəndin azad olunmasına görə" medalları və "Vətənə xidmətə görə" ordeni ilə təltif edilib.
