Sumqayıt şəhərinin 48-ci məhəlləsinin sakinləri içməli su ilə bağlı çətinlik yaşayırlar. Bu haqda 18 iyul tarixində Sumqayıt24 xəbər verir.
Bu hal 2-3 ay davam edir. Sakinlərin sözlərinə görə, içməli su yalnız gecə saatlarında verilir.
“Bu mənzillərdə 4 ildir ki, yaşayırıq. Su ilə bağlı problem yalnız son aylarda yaşanır. Motorun qoşulmağına heç vaxt ehtiyac olmayıb. “Azərsu”ya müraciət etmişik, cavab olaraq bildiriblər ki, su təchizatı ilə bağlı heç bir problem yoxdur. Dedilər: “Saat 6-da motorlar vurulur, su olacaq”. Amma su, ümumiyyətlə, gəlmir. Yalnız gecə saat 03:00-dan 07:00-yə kimi olur”, – deyə şikayətçilər bildiriblər.
