Bakı-Sumqayıt şossesində yol çöküb. Sumqayıt24 bu haqda 26 iyul tarixində Bakupost.az-a istinadən xəbər verir.
Məlumata görə, Abşeron Gənclər Şəhərciyi yaxınlığındakı çöküntü bir aya yaxındır baş verib.
Ərazidə olan sürüclər deyirlər ki, yolun çökən hissəsi getdikcə daha da genişlənir:
"Yolda böyük dəlik yaranmışdı. Oranı kubik daşlarla doldurub, ətrafına maşın şini qoyduq ki, avtomobillər ora düşməsin. Aidiyyəti qurumlar yoldakı təhlükəni aradan qaldırsalar, yaxşı olar. Xüsusən də axşam oradan keçmək daha təhlükəlidir. Hər an ağır qəza baş verə bilər. Çünki qaranlıq vaxtı yolun çökən hissəsini hər sürücü görə bilmir".
