Bakı-Quba avtomobil yolunun 21-ci km hissəsində nəqliyyat vasitələrinin hərəkəti məhdudlaşdırılacaq. Sumqayıt24 bu barədə 15 noyabr tarixində Azərbaycan Avtomobil Yolları Dövlət Agentliyinə istinadən xəbər verir.
Magistral yolun Saray qəsəbəsinə aid olan hissəsində yerüstü piyada keçidinin tikintisi ilə əlaqədar olaraq 16 noyabr saat 08:00-dan etibarən qeyd olunan hissədə 150 metr məsafədə avtomobil yolunun bir hərəkət zolağı üzrə (digər 2 hərəkət zolağı açıqdır) avtonəqliyyat vasitələrinin hərəkəti məhdudlaşdırılacaq.
Məhdudlaşdırılma tikinti işləri bitənədək qüvvədə olacaq.
