Xəbər verdiyimiz kimi, Ceyranbatan qəsəbəsində içməli suyun verilişində problem yaranıb.
Sumqayit24.az-a "Azərsu ASC"nin Mətbuat xidmətindən bildirildi ki, intensiv yağışlarla bağlı su xəttində baş verən qəzanın aradan qaldırılması ilə bağlı işlər icra olunur. İşlərin sabah yekunlaşması planlaşdırılır.
***
Ceyranbatan qəsəbəsində içməli suyun verilişində problem yaranıb.
Sumqayit24.az-a müraciət edən sakinlərin sözlərinə görə, su kəsintisi dünəndən etibarən müşahidə olunur.
Vətəndaşlar bildiriblər ki, dünən məsələ ilə bağlı müvafiq qurumun qaynar xətti ilə əlaqə saxlasalar da, problem hələ də aradan qaldırılmayıb.
"Bizə bildirildi ki, təzyiq zəifdir və axşama suyun verilişi bərpa olunacaq. Amma dəyişən heç nə olmadı. Artıq bir gündən çoxdur ki, susuz qalmışıq", - deyə qəsəbə sakini bildirib.
Qeyd edək ki, məsələ ilə bağlı aidiyyəti quruma sorğu ünvanlanıb.
