"Mən arzu edərdim ki, gələcəkdə Bakı ilə Sumqayıt arasında da metro stansiyaları tikilsin".
Bu fikirləri Milli Məclisin deputatı Aydın Mirzəzadə Redaktor.az-a açıqlaması zamanı bildirib.
Millət vəkili vurğulayıb ki, dövlətimiz "Bakı Metropoliteni"nin inkişafına çox böyük diqqət edir:
"Vaxtaşırı biz yeni metro stansiyalarının tikintisinə dair xəbərlər eşidirik. Həmçinin coğrafiyası genişlənir. Hətta mən arzu edərdim ki, gələcəkdə Bakı ilə Sumqayıt arasında da metro stansiyaları tikilsin. Bir sözlə, dövlətimiz bu gün bütün sahələrdə olduğu kimi metropolitenin inkişafını da diqqətdə saxlayır və yenilikləri biz görürük".
