Bu gün şəhid Rüfət Şabanovun doğum günüdür.
Rüfət Rauf oğlu Şabanov 24 fevral 2001-ci ildə Ceyranbatan qəsəbəsində anadan olub. 2007-2018-ci illərdə orta təhsil alıb. Subay idi.
Azərbaycan Ordusunun əsgəri olan Rüfət Şabanov 2020-ci il sentyabrın 27-dən Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində iştirak edib. Murovdağın azadlığı uğrunda gedən döyüşlərdə vuruşub. Rüfət Şabanov 3 oktyabr 2020-ci ildə Murovdağ istiqamətində döyüş tapşırığının yerinə yetirilməsi zamanı şəhid olub. Ceyranbatan qəsəbəsində dəfn olunub.
Prezident İlham Əliyevin Sərəncamlarına əsasən, Rüfət Şabanov ölümündən sonra "Vətən uğrunda", "Kəlbəcərin azad olunmasına görə", "Hərbi xidmətlərə görə" medalları ilə təltif edilib.
