Xəbər verdiyimiz kimi, Sumqayıtda avtobuslar barədə şikayətlər səngimir.
Belə ki vətəndaşlar bildiriblər ki, 33 nömrəli marşrut avtobuslarının çoxu nasaz vəziyyətdədir.
Sumqayit24.az-ın sorğusuna Azərbaycan Yerüstü Nəqliyyat Agentliyindən (AYNA) mətbuat katibi Tural Orucov bildirib ki, Sumqayıt şəhərində fəaliyyət göstərən 33 nömrəli marşrut xəttində gündəlik 11 avtobus 12 dəqiqə intervalla fəaliyyət göstərir.
"Aprelin 9-da 2 avtobusda texniki nasazlıq aşkarlanaraq xəttən çıxarılıb. Qısa müddət ərzində hər iki avtobus təmir olunaraq xəttə qaytarılıb və hazırda marşrut üzrə daşımalarda hər hansı problem müşahidə edilmir", - deyə Tural Orucov bildirib.
***
Sumqayıtda avtobuslar barədə şikayətlər səngimir.
Sumqayit24.az-a müraciət edən vətəndaşlar bildiriblər ki, 33 nömrəli marşrut avtobuslarının çoxu nasaz vəziyyətdədir.
Sakinlərin məlumatına görə, 15 avtobusdan hazırda yalnız 2-si işləyir, digərləri isə xarabdır.
"Avtobuslarlar 2 saat intervalla hərəkət edirlər. Artıq 3 gündür ki, əlacsızlıqdan piyada gedib-gəlirik", - deyə vətəndaş bildirib.
Qeyd edək ki, məsələ ilə bağlı aidiyyəti qurumlara sorğu ünvanlanıb.
