Novruz yazın gəlişinin rəmzi olan qədim xalq bayramıdır, mənası "Yeni gün" deməkdir. Novruz Şimal yarımkürəsində astronomik yazın başlandığı, gecə-gündüz bərabərliyi günündə (martın 20-si, 21-i və ya 22-də) keçirilir. Bir sıra xalqlar yaz fəslinin gəlməsini təbiətin canlanması ilə bağlayıb, bu münasibətlə şənliklər keçirib, onu yeni ilin başlanğıcı kimi bayram ediblər.
Novruz bayramı təkcə Azərbaycanda deyil, bir çox ölkələrdə, o cümlədən İran, Türkmənistan, Qazaxıstan və digər türkdilli ölkələrdə böyük coşğu ilə qeyd edilir. Bu bayram, xalqımızın dostluq və sülh arzusunu bir daha ortaya qoyur.
Əziz izləyicilərimiz! Sumqayit24.az kollektivi adından bayramın gəlişi ilə hər kəsə sağlamlıq, sevgi, uğur və bolluq diləyirik. Novruz bayramınız mübarək!
