Sumqayıt şəhərində piyada səkisi dağınıq vəziyyətdədir. Bu barədə 22 sentyabr tarixində Sumqayıt24-ə izləyicilərdən məlumat daxil olub.
Şəhərin Koroğlu küçəsində, 10-cu mikrorayon, bina 65-in önündə yerləşən səkidə asfalt örtüyü yoxdur. Piyadalar üçün nəzərdə tutulan yolda çalalar, iri çöküntülər müşahidə olunur. Həmçinin burada bordürlər yoxdur.
“Yağış yağanda məcbur olub yolun hərəkət hissəsi ilə getməli oluruq. Bu isə yol-nəqliyyat hadisələrinə səbəb olur. Dəfələrlə aidiyyəti qurumlara müraciət etmişik, lakin heç bir tədbir görülmür”, - deyə sakinlər bildiriblər.
[modula id="23668"]
