Sumqayıt şəhəri, Corat qəsəbəsində kanalizasiya sistemində ciddi problem yaranıb.
Sumqayit24.az-a daxil olan məlumata görə, 7 nömrəli tam orta məktəbin arxasındakı məhəllədə ətrafı kanalizasiya suları basıb.
Sakinlərin sözlərinə görə, ərazidən hər gün çox sayda şagird və valideyn istifadə edir.
"Yaxınlıqda məktəb yerləşir. Valideynlər və uşaqlar bu yoldan mütəmadi keçir. Mövcud vəziyyət hərəkətə ciddi maneə yaradır. Bununla bağlı aidiyyəti qurumlara həm yazılı, həm də şifahi müraciət etmişik, lakin hələ də heç bir tədbir görülməyib", - deyə qəsəbə sakini bildirib.
Vətəndaşlar aidiyyəti qurumlardan əraziyə baxış keçirilməsini və problemin aradan qaldırımasını tələb edirlər.
