Ceyranbatan qəsəbəsində məktəbə gedən yol yararsız vəziyyətdədir. Sumqayıt24 bu barədə 21 sentyabr tarixində TV 8-ə istinadən xəbər verir.
Söhbət Heydər Əliyev küçəsində 2 nömrəli tam orta məktəbə aparan yoldan gedir. Yolun hərəkət hissəsində iri çuxurlar müşahidə olunur. Yağışlı havada gölməçələr yaranır. Sakinlərin sözlərinə görə, aidiyyəti qurumlara müraciət olunub, lakin nəticə yoxdur. Sürücülər həmin yoldan çətinliklə keçirlər, həmçinin nəqliyyat vasitələrinə ziyan dəyir.
