Sumqayıt şəhəri və Saray qəsəbəsi ərazisindən keçən Samur-Abşeron kanalının ərazisində antisanitar vəziyyət hökm sürür.
Sumqayit24.az-əldə etdiyi məlumata görə, bəzi yerli sakinlər yaxınlıqda zibil qutusu olsa da, məişət tullantılarını ətrafa atırlar.
"Bu cür vəziyyət həm ərazinin görüntüsünü korlayır, həm də yaşayışı çətinləşdirir", - deyə vətəndaşlardan biri bildirib.
Şikayətçilər aidiyyəti qurumlardan sözügedən yerə zibil qutularının qoyulmasını və sakinlərdən təmizlik qaydalarına riayət edilməsini tələb edirlər.
