Saray-Novxanı yolunda yeni geriyə dönmə yeri sürücülərin istifadəsinə verilib. Sumqayıt24 bu barədə 31 oktyabr tarixində Azərbaycan Avtomobil Yolları Dövlət Agentliyinə istinadən xəbər verir.
Bakı–Quba–Rusiya Federasiyası ilə dövlət sərhədi avtomobil yolunun 16-cı kilometrində, “VAZ dairəsi” adlanan ərazidə yerləşən yol qovşağında hərəkətin təşkili ilə bağlı hazırlanmış layihənin davamı olaraq Saray-Novxanı yolunda daha yaxın məsafədə yeni geriyə dönmə yeri yaradılıb.
Sıxlıq və tıxacın aradan qaldırılması məqsədilə yaradılan döngənin ərazisində zəruri yol nişanları quraşdırılaraq, üfüqi nişanlanma xətləri çəkilib.
