"Qaradağ-Sumqayıt” yüksək təzyiqli magistral qaz kəmərində təmir-bərpa işləri görüləcək.
Sumqayit24.az “Azəriqaz” İB-yə istinadən xəbər verir ki, bununla bağlı 24 aprel saat 09:00-dan işlər başa çatanadək “Qobu”, “Müşfiqabad”, “Aşağı Güzdək”, “Pirəkəşkül” və “Ceyranbatan” QPS-lərdən qaz təchizatının dayandırılması planlaşdırılır.
Qaz təchizatı dayandırılan müddətdə Xırdalan şəhərinin bir hissəsinin - Yoncalıq və Quşçuluq massivlərinin, İlham Cəfərov küçəsinin, 26-cı məhəllənin, Saray, Ceyranbatan, Müşfiqabad, Pirəkəşkül, Aşağı Güzdək, Hökməli qəsəbələrinin, Qobu qəsəbəsinin bir hissəsinin, Qobustan və Çaylı kəndlərinin qaz təchizatında müvəqqəti fasilə yaranacaq.
