Saray qəsəbəsində avtomobillərin intensiv hərəkət etdiyi yoldan şikayət var.
Sumqayit24.az-a müraciət edən sürücünün sözlərinə görə, "köhnə yol" kimi tanınan ərazidə yollar baxımsız gündədir.
Görüntüdəndən də aydındır ki, yollar kələ-kötürdür və bu da xüsusilə nəqliyyat vasitələrinin hərəkətində ciddi çətinlik yaradır. Bundan əlavə, avtomobillərə maddi ziyan da vurur.
Vətəndaşlar müvafiq qurumlardan əraziyə baxış keçirilməsini və yolların asfaltlanmasını tələb edirlər.
