Fərdi yaşayış evlərində yaşayan vətəndaşlar "Saray-H" MTK-dan şikayətçidirlər.
Sumqayit24.az-a daxil olan məlumata görə, MTK tərəfindən aparılan tikinti işləri zamanı ağır tonnajlı yük maşınları yerli sakinlərin istifadə etdiyi küçə və yoldan keçir.
Şikayətçilər bildirirlər ki, öz şəxsi vəsaitləri hesablarına təmir etdikləri su boruları və kanalizasiya lükləri yük maşınları tərəfindən dağıdılıb. Boruların partlaması səbəbindən bir neçə evə suyun verilişi dayandırılıb və sakinlər günlərdir sussuz qalıblar.
Bundan əlavə, partlayan su borusundan axan su küçə boyunca axaraq aşağı hissədə yerləşən həyətlərə dolub. Nəticədə sakinlərdən birinin hasarı uçub.
Bir sözlə, baş verənlər sakinlərə həm maddi ziyan vurub, həm də ərazidə ciddi infrastruktur problemləri yaradıb.
Məsələ ilə bağlı sözügedən şirkətə sorğu ünvanlanıb.
