Saray qəsəbəsi, Heydər Əliyev küçəsində vəziyyət hazırda olduqca acınacaqlıdır.
Sumqayit24.az-a daxil olan məlumata görə, dünəndən yağan güclü yağış nəticəsində küçəni su basıb, yol demək olar ki, keçilməz hala düşüb.
Marşrut avtobuslarının hərəkəti çətinləşib, sərnişinlər isə nə rahat minib-düşə, nə də dayanacaqlardan istifadə edə bilirlər.
Piyadalar üçün yolu keçmək demək olar ki, mümkünsüzə çevrilib. Avtomobillərin hərəkəti ciddi şəkildə məhdudlaşıb, ərazidə uzun tıxaclar yaranıb.
Mövcud vəziyyət sakinlər üçün ciddi çətinliklər yaradır və problemin aradan qaldırılması üçün təcili tədbirlərin görülməsi zəruridir.
