Sumqayıtda antisanitar vəziyyət ciddi narazılıq yaradıb.
Sumqayit24.az-a daxil olan məlumata görə, 10-cu mikrorayon, Koroğlu prospektində bəzi yerli sakinlər ətrafı zibilləyirlər.
Şikayətçilərin sözlərinə görə, yaxınlıqda zibil qutuları olsa da, vətəndaşlar məişət tullantılarını ətrafa atırlar.
"Burada üfunət qoxusundan hərəkət etmək olmur. Bundan əlavə, zibillər ərazinin görüntüsü də korlayır. Əraziyə kamera quraşdırılsın, buranı zibilləyən şəxslər cərimə olunsun! Şəhərimizə gələn qonağın belə mənzərə ilə qarşılaşması ayıb deyilmi?!", - deyə vətəndaşlardan biri bildirib.
Şikayətçilər aidiyyəti qurumlardan əraziyə baxış keçirilməsini və problemin qısa müddətdə həll edilməsini tələb edirlər.
