Bu gün sumqayıtlı şəhidin doğum günüdür.
Sabir Əbdürəhmanlı 1998-ci il martın 9-da Sumqayıt şəhərində anadan olub. Subay idi.
Azərbaycanın Daxili İşlər Nazirliyinin Daxili Qoşunlarının çavuşu olan Sabir Əbdürrəhmanlı 2020-ci il sentyabrın 27-də başlanan Vətən müharibəsi zamanı Cəbrayılın və Füzulinin azadlığı uğrunda gedən döyüşlərdə savaşıb.
Özünə və yaxınlarına söz vermişdi: "Əmim başda olmaqla bütün şəhidlərimizin qisasını alana qədər vuruşacağam".
Qeyd edək ki, şəhidimizin əmisi Famil Əbdürrəhmanlı Birinci Qarabağ müharibəsinin qəhrəmanlarından olub.
Oktyabrın 8-də Füzuli döyüşləri zamanı Sabir Əbdürrəhmanlı şəhid olub. Sumqayıt şəhərinin Şəhidlər Xiyabanında dəfn olunub.
Prezident İlham Əliyevin Sərəncamlarına əsasən, Sabir Əbdürrəhmanlı ölümündən sonra "Vətən uğrunda", "Cəbrayılın azad olunmasına görə", "Kəlbəcərin azad olunmasına görə" "Füzulinin azad olunmasına görə" medalları ilə təltif edilib.
