Sumqayıtda son günlər müşahidə olunan yağıntılı hava şəraitinin yaratdığı fəsadlar davam etməkdədir.
Sumqayit24.az-a daxil olan çoxsaylı şikayətlərə görə, şəhərin müxtəlif ərazilərində suyun verilişində problemlər yaranıb.
Belə ki, Kimyaçılar, Kotec, Hacı Zeynalabdin Tağıyev, Şəfəq qəsəbəsində, Ceyranbatan bağ massivində, eləcə də 16-cı mikrorayonda yerləşən çoxmərtəbəli yaşayış binasında suyun verilişi dayandırılıb.
Bundan əlavə, Abşeron rayonu, Ceyranbatan qəsəbəsində də su kəsintisi müşahidə olunur.
Bu cür vəziyyət sakinlərin gündəlik həyatında ciddi çətinliklər yaradır.
Vətəndaşlar məsələ ilə bağlı aidiyyəti qurumlardan operativ tədbir görüllməsini və suyun verilişinin tezliklə bərpa olunmasını tələb edirlər.
Qeyd edək ki, məsələ ilə bağlı aidiyyəti qurumlara sorğu ünvanlanıb.
