Saray qəsəbə sakinləri mərkəzləşdirilmış kanalizasiya xətlərinin olmamasından gileylənirlər. Bu haqda bu gün, 20 noyabr tarixində Baku TV məlumat yayıb.
Üzümlük yaşayış massivinin sakinlərinin sözlərinə görə, onlar öz vəsaitləri hesabına evlərdən plastik boru vasitəsi ilə xətlər çəkiblər. Lakin çirkab suları hara gedir heç kim bilmir. Qəsəbədə yaşayan minlərlə sakin antisanitar vəziyyətdən əziyyət çəkir.
“Həmin ərazidə Azərsu ASC-nin mərkəzləşdirmiş kanalizasiya infrastrukturu mövcüd deyil, amma bizim baş planda Abşeronun hər bir yaşayış massivində mərkəzləşdirmiş kanalizasiya infrasrukturu, kollektorları və təmizləyici boruların tikintisi öz əksini tapıb. Saray qəsəbəsi, əsasən mərkəzi küçəsində kanalizasiya xətti və Ceyranbatan gölü hövzəsi olan ərazisində mərkəzi xətlər çəkildi və gələcəkdə, növbəti mərhələdə həmin ərazilərində kanalizasiya sisteminin qurulması məsələsinə baxılacaq”- Azərsu ASC-nin sözçüsü bildirib.
Üzümlük yaşayış massivi Saray qəsəbəsinin ən böyük ərazilərindən sayılır.
