"Sumqayıt"ın azarkeşləri komandanın məğlubiyyətindən sonra futbol klubuna etiraz ediblər.
Sumqayit24.az xəbər verir ki, Misli Premyer Liqasının XXIV turunda "Sumqayıt" "Şamaxı"nı qəbul edib.
Mehdi Hüseynzadə adına Sumqayıt şəhər stadionundakı qarşılaşma qonaqların 1:0 hesablı qələbəsi ilə yekunlaşıb.
Məğlubiyyətdən narazı qalan "gənclik şəhəri"nin azarkeşləri oyundan sonra futbolçulara etiraz edərək onların ünvanına "Oynayın da, oynayın!" kimi sözlər səsləndiriblər. Bundan əlavə, fanatlar komandanın baş məşqçisinin istefasını da tələb ediblər.
