Sumqayıtın ensiklopediyası sayılan Eyruz Məmmədov dünyasını dəyişdi.
Sumqayit24.az xəbər verir ki, əməkdar jurnalist, yazıçı-publisist, Sumqayıt hadisələrinin araşdırmaçısı kimi tanınan Eyruz Məmmədov 73 yaşında, uzun sürən xəstəlikdən sonra vəfat edib.
Eyruz Məmmədov 1988-ci ildən etibarən Azərbaycana qarşı törədilmiş erməni-daşnak təxribatlarının araşdırılması və ifşası istiqamətində ardıcıl və prinsipial fəaliyyət göstərib. O, Sumqayıt hadisələri ilə bağlı həqiqətlərin üzə çıxarılmasında mühüm rol oynayıb.
Qeyd edək ki, Eyruz Məmmədov çoxsaylı tarixi-sənədli filmlərin, eləcə də 30-dan artıq kitabın müəllifi olub. Onun uzun illər ərzində apardığı araşdırmalar və qələmə aldığı əsərlər Sumqayıtın və bütövlükdə Azərbaycanın tarix yaddaşında silinməz iz qoyub.
