Abşeronda vətəndaşlar tərəfindən heç bir dövlət qurumunun qeydiyyata almadığı, qanunsuz şəkildə quraşdırılmış qaz sayğacları aşkarlanıb.
Bu barədə “Azəriqaz” İB-nin Sumqayıt Qaz İstismar Sahəsindən Report.az-a məlumat verilib.
Sumqayıt Qaz İstismar Sahəsi tərəfindən Məhəmmədi qəsəbəsi, Mehdi Hüseynzadə küçəsində baxış keçirilib və müəyyən olunub ki, qeyd olunan sayğaclar heç bir rəsmi sənədlə təsdiqlənməyib və qanunsuz şəkildə istismara verilib.
Aparılan araşdırma nəticəsində həmin qaz sayğacları demontaj edilərək çıxarılıb və aidiyyəti üzrə anbarda mühafizəyə təhvil verilib.
