Sumqayıtda fəaliyyət göstərən xəstəxanadakı vəziyyət ciddi narahatlıq doğurub.
Sumqayit24.az-a daxil olan məlumata görə, 4 nömrəli Şəhər Xəstəxanası şəraitsiz və baxımsız gündədir.
Videogörüntüyə əsasən demək olar ki, divarların bir hissəsi qopub, döşəmə örtüyü dağılıb.
Bundan əlavə, elektrik yuvasının açıq və qorunmamış vəziyyətdə olması təhlükəsizlik baxımından risklidir. Əl-üz yuyan çanağın iplə bağlanması isə müəssisədə texniki problemlərin aradan qaldırılmadığını göstərir.
Qeyd edək ki, sanitar qovşağın yerləşdiyi otağın vəziyyəti də heç ürəkaçan deyil.
Görüntülərdən də aydındır ki, xəstəxanada 90-cı illərin ab-havası hökm sürməkdədir. Bu da haqlı olaraq xəstələrin və xəstə yaxınlarının narazılığına səbəb olur.
Vətəndaşlar müvafiq qurumlardan əraziyə baxış keçirilməsini və tibb müəssisəsinin təmir işlərinin həyata keçirilməsini tələb edirlər.
Məsələ ilə bağlı aidiyyəti quruma sorğu ünvanlanıb.
Video: Pərviz Məmişov
