Sumqayıt şəhərində qaz təchizatında müvəqqəti fasilə yaranacaq.
Sumqayit24.az xəbər verir ki, Kimyaçılar qəsəbəsi, Xəzər bağları, 22-ci və 26-cı məhəllələr, həmçinin Təzə və Köhnə kotec qəsəbələrini qazla təmin edən orta təzyiqli, PE-250 mm-lik qaz kəmərində sızma qeydə alınıb. Problemin aradan qaldırılması məqsədilə aparılacaq təmir işləri ilə əlaqədar 26 mart saat 10:00-dan etibarən ümumilikdə 14 min abonentin qaz təchizatı dayandırılacaq.
Bildirilir ki, qazın verilişi təmir işləri başa çatdıqdan sonra bərpa olunacaq.
Bundan əlavə, qeyd olunan müddət ərzində Sumqayıt bulvarı ərazisində yaşayan abonentlərin də qaz təchizatında fasilə yaranacağı açıqlanıb.
