Sumqayıtda fəaliyyət göstərən özəl bağça və inkişaf mərkəzinin rəhbəri İlahə Xuduqızı yol hərəkəti qaydalarını pozub.
Sumqayit24.az xəbər verir ki, qayda pozuntusu ilə bağlı görüntüləri o özü paylaşıb.
Belə ki, İ.Xuduqızı azyaşlını avtomobilin ön oturacağında əyləşdirərək hərəkət edir. Azyaşlı qızın təhlükəsizlik kəməri taxmaması, İ.Xuduqızının sükandan əlini çəkərək rəqs etməsi də diqqəti çəkib.
Onun azyaşlının həyatını təhlükəyə ataraq video çəkməsi izləyicilər tərəfindən birmənalı qarşılanmayıb.
Məlumat üçün bildirək ki, qanunvericiliyə görə, azyaşlıların ön sərnişin oturacağında aparılması qadağandır və inzibati məsuliyyət yaradır.
Qeyd edək ki, məsələ ilə bağlı aidiyyəti quruma sorğu ünvanlanıb.
