Sumqayıtda qarşıdan gələn Novruz bayramı münasibətilə "Kənddən Şəhərə" yarmarkalarının təşkili nəzərdə tutulur.
Sumqayit24.az Kənd Təsərrüfatı Nazirliyinə istinadən xəbər verir ki, 13-17 mart tarixlərində, 9-cu mikrorayon, Köhnə Şərq bazarının yaxınlığında yarmarkanın keçirilməsi planlaşdırılıb.
Qeyd edək ki, "Kənddən Şəhərə" yarmarkalarında fermerlər piştaxta, tərəzi və digər lazımi avadanlıqlarla ödənişsiz şəkildə təmin olunurlar.
Yarmarkaların əsas məqsədi bayram günlərində yerli fermerlərin məhsullarının bazara çıxışını dəstəkləmək, eyni zamanda şəhər sakinlərinin təbii, yerli və sağlam kənd məhsullarına əlçatanlığını təmin etməkdir.
Satışa çıxarılan məhsulların kеyfiyyətinə nəzarət etmək məqsədilə yarmarkada hər gün Qida Təhlükəsizliyi Agentliyinin Səyyar Qida Laboratoriyası fəaliyyət göstərəcək. Vətəndaşlar yarmarkada satışa çıxarılan hər hansı bir məhsulun keyfiyyət göstəricilərini öyrənmək üçün laboratoriyanın xidmətlərindən faydalana bilərlər.
