Xəbər verdiyimiz kimi, Sumqayıtda dəm qazından zəhərlənmə hadisəsi baş verib.
Sumqayıt Tibb Mərkəzindən Sumqayit24.az-a bildirilib ki, aprelin 01.04.2026-cı il tarixində saat 17:40 radələrində Sumqayıt şəhəri, H.Zeynalabdin qəsəbəsi 70 ünvanından Respublika Təcili və Təxirəsalınmaz Tibbi Yardım Mərkəzinə çağırış daxil olub.
Çağırış ünvanına 2 təcili tibbi yardım briqadası cəlb olunub.
Təcili tibbi yardım briqadaları tərəfindən 4 nəfər (2 kişi, 2 qadın cinsli) dəm qazından zəhərlənmə diaqnozu ilə Sumqayıt Tibb Mərkəzinin nəzdindəki Uşaq Xəstəxanasına təxliyə olunub.
Daha sonra Uşaq Xəstəxanasına daha 2 nəfər (2 kişi cinsli) hospitalizasiya olunub.
Onların hər birinə zəruri tibbi xidmətlər göstərilib. Vəziyyəti qənaətbəxş qiymətləndirilən 4 nəfər ambulator müalicə üçün evə buraxılıb. Hazırda 2 nəfərin müalicəsi davam etdirilir, vəziyyətləri stabildir.
***
Sumqayıt şəhərində dəm qazından zəhərlənmə hadisəsi baş verib.
Hadisə şəhərin Hacı Zeynalabdin qəsəbəsində qeydə alınıb.
Belə ki, Sumqayıt şəhər sakinləri – 11 yaşlı Cəbrayıl Kamil oğlu Cəbrayılov, 8 yaşlı Məhəmməd Kamil oğlu Cəbrayılov, 7 yaşlı Həmzə Kamil oğlu Cəbrayılov, 5 yaşlı Ayişə Kamil qızı Cəbrayılova və 2 yaşlı Gülcənnət Kamil qızı Cəbrayılova yaşadıqları evin hamam otağında dəm qazından zəhərləniblər.
Zəhərlənən şəxslər dərhal xəstəxanaya çatdırılıb və onlara tibbi yardım göstərilib.
Faktla bağlı araşdırma aparılır.
Mənbə: Report.az
