Sumqayıt şəhərinin 21-ci məhəlləsində yerləşən və yerli sakinlər arasında "Şəhidlər evi" kimi tanınan "Fin evləri" yaşayış binasının sökülməsi prosesinə başlanılıb.
Sakinlərin sözlərinə görə, binanın ərazisində artıq texnika və işçilər fəaliyyət göstərir və köhnə tikilinin mərhələli şəkildə sökülməsi həyata keçirilir.
Söküntü işləri binanın köhnə və qəzalı vəziyyətdə olması ilə əlaqədar aparılır. Ərazidə yaşayan bəzi sakinlər artıq köçürülüb, digərləri üçün isə alternativ yaşayış məsələlərinin həlli istiqamətində müvafiq tədbirlərin görüldüyü bildirilir.
Qeyd edək ki, "Fin evləri" binası uzun illərdir Sumqayıtın 21-ci məhəlləsində yerləşən və bir sıra şəhid ailələrinin də yaşadığı bina kimi tanınırdı. Bu səbəbdən bina yerli əhali arasında "Şəhidlər evi" adı ilə məşhur olub.
Hazırda ərazidə aparılan söküntü işlərinin hansı layihə çərçivəsində həyata keçirildiyi və gələcəkdə həmin ərazidə hansı tikilinin inşa olunacağı ilə bağlı rəsmi qurumlar tərəfindən geniş açıqlama verilməyib.
Mənbə: Xeberle.com
