Sumqayıt şəhərinin bir hissəsində dünən axşam saatlarından etibarən işıqlar sönüb.
Sumqayit24.az-a verilən məlumata görə, 6, 8, 9, 10-cu mikrorayonlar da daxil olmaqla, şəhərin müxtəlif ərazilərində hazırda elektrik enerjisinin verilişində fasilələr müşahidə olunur. Yağan intensiv yağışlar nəticəsində kabel xətlərinin yerləşdiyi sahələrə su dolub və bu səbəbdən elektrik şəbəkəsində açılmalar baş verib.
Hazırda ərazilərdə suyun çəkilməsi üçün nasoslardan istifadə olunur və paralel olaraq elektrik enerjisinin bərpası istiqamətində işlər aparılır.
Buna baxmayaraq, yağışların davam etməsi səbəbindən bəzi ərazilərdə işıq kəsintilərinin yenidən baş vermə ehtimalı qalmaqdadır.
