Sumqayıtda yolda yaranan vəziyyət sürücülər arasında ciddi narazılıq yaradıb.
Sumqayit24.az-ın əldə etdiyi məlumata görə, Səməd Vurğun küçəsi, köhnə "Simurq" restoranının yaxınlığında yolun darlığı hərəkəti xeyli çətinləşdirir.
Vətəndaşların sözlərinə görə, yaxınlıqda yerləşən restoran səbəbindən ərazidən xeyli avtomobil istifadə edir. Bundan əlavə, sürücülərin nəqliyyat vasitələrini dar yolun kənarında park etməsi vəziyyəti daha da gərginləşdirir.
"Bu dar yolda həm maşınlar park edilir, həm piyadalar hərəkət edir, həm də nəqliyyat vasitələri keçir. Üstəlik, restoranda tez-tez toy mərasimləri keçirilir. Bu da vəziyyəti daha da çətinləşdirir", - deyə sürücülərdən biri bildirib.
Bir sözlə, vətəndaşlar nizam-intizamın təmin olunması üçün əraziyə müşahidə kameralarının və ya dayanma-durma nişanlarının yerləşdirilməsini xahiş edirlər.
