Sumqayıt şəhəri, 41-ci məhəllədə azyaşlıları bıçaqla təhdid edən 88 yaşlı şəxs müəyyən olunub.
Sumqayit24.az-a daxil olan məlumata görə, onunla bağlı polis əməkdaşları tərəfindən müvafiq tədbirlər görülüb.
***
Sumqayıtda 41-ci məhəllədə yerləşən yataqxanaların birində bıçaqlı şəxs azyaşlılara hücum edir.
Şikayətçilərin sözlərinə görə, bu şəxs daimi əlində bıçaqla həyətə çıxaraq azyaşlıları təhdid edir.
Sözügedən vəziyyət isə yerli sakinlər, xüsusilə də uşaqlar arasında təşviş yaradıb.
Sumqayit24.az-a DİN-in Mətbuat Xidmətinin əməkdaşı Lumu İsrəfilli bildirib ki, araşdırma aparılır.
Şahhüseyn Qəmbərov 2023-cü ildə 41-ci məhəllədə 2010-cu il təvəllüdlü yeniyetməni bıçaqlayıb.
Belə ki, hadisə şəxsi münaqişə zəminində baş verib. Yaralanan yeniyetmə bildirib ki, yaşlı kişinin pəncərəsinin yaxınlığında oturduğu üçün onu bıçaqlayıb.
Qonşular da ərazidə yaşayan uşaqlarla həmin şəxs arasında tez-tez münaqişə yaşandığını qeyd ediblər.
