Sumqayıtda məişət tullantılarının ekskavatorla yığılması vətəndaşların narazılığına səbəb olub.
Patrulaz.az-ın məlumatına görə, hadisə şəhərin 13-cü mikrorayon ərazisi, Babək küçəsində qeydə alınıb.
Görüntülərdə ekskavatorun tullantıların yalnız bir hissəsini zibil maşınına boşaltdığı, digər hissəsini isə yerə tökdüyü aydın görünür. Nəticədə, tullantıların bu şəkildə daşınması həm ərazini çirkləndirir, həm də ətrafa pis qoxu yayır.
Qeyd edək ki, sözügedən ekskavator tullantıların yığılması prosesi zamanı avtomobillərin hərəkətinə də maneə yaradır.
