Sumqayıtda 9 və 18 saylı yataqxanalarda təmir işlərinin aparılması planlaşdırılır. Bu haqda 12 saylı Mənzil Kommunal Səhəsindən XəzərTV-yə məlumat verilib.
Qurumun əməkdaşı Xəyal Ağayev bildirib ki, yataqxanalarda yaranmış bir sıra problemlə bağlı aidiyyəti qurumlara müraciət olunub və artıq həmin binalara baxış keçirilib. Bu həftə, hər iki yataqxanada təmir - bərpa işlərinin başlanılması nəzərdə tutulub.
Qeyd edək ki, sözügedən yataqxanaların daxili dağınıq vəziyyətdədir. Burada su boruları çürüyüb, yağış və kanalizasiya suları evlərə axır və bu səbəbdən divarlar hər zaman nəm qalır. Hər iki yataqxananın tavanı çatlarla örtülüb və oradan tez-tez müxtəlif ölçüdə daşlar qırılaraq yerə düşür.
