Sumqayıt şəhərində 1985-ci il təvəllüdlü Bəhruz ailə münaqişəsi zamanı həyat yoldaşı Arzuya xəsarət yetirib.
Demokrat.az-ın məlumatına görə, Bəhruz aralarında şəxsi münasibətlər zəminində baş vermiş mübahisə zamanı arvadının baş və bədən nahiyələrinə çoxsaylı zərbələr vurub, ona xəsarətlər yetirib.
Bəhruzun barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
Bəhruz məhkəmədə özünü təqsirli bilib və deyib ki, əsəbi olduğu üçün həyat yoldaşını vurub.
Zərərçəkmiş Arzu ifadəsində göstərib ki, mübahisə qohumlar arasında pul məsələsinə görə yaranıb.
"Bəhruz buna görə əsəbiləşərək "sən qohumlarının tərəfini tutursan" deyə məni döydü. Üz nahiyəmdən, qolumdan 7-8 dəfə yumruqla vurdu. Övladımın atası olmasına görə ondan şikayətçi deyiləm. Bəhruzdan boşanacağam, ondan məni ailəm ilə təhdid etməməsini, narahat etməməsini tələb edirəm", - deyə zərəçəkən bildirib.
Sumqayıt Şəhər Məhkəməsinin hökmü ilə Bəhruz 6 ay müddətinə azadlığın məhdudlaşdırılması cəzasına məhkum edilib.
