Sumqayıt şəhər 33 nömrəli məktəbin ibtidai sinif müəllimi Şərifova Arzu 1C sinfində Abşeron-Xızı Regional Təhsil İdarəsinin "Təcrübə mübadiləsi" layihəsi çərçivəsində "Toplama və çıxmanın əlaqəsi" mövzusunda nümunəvi dərs keçib.
Dərsdə şagirdlərin fəallığını artırmaq üçün müxtəlif interaktiv oyun və tapşırıqlardan istifadə olunub.
Belə ki, dərs "Sehrli qutu" oyunu ilə başlayıb, daha sonra şagirdlər riyazi imla, "Halqalarda xəyali rəqəmlər", "Dostunu tap", "Seç və düzəlt" və "Düşün və cavab ver" kimi maraqlı fəaliyyətlərdə iştirak ediblər. Şagirdlər bu fəaliyyətlər vasitəsilə toplama ilə çıxma arasındakı əlaqəni və məchul ədədi tapma bacarığını öyrəniblər.
