Sumqayıtda aprel ayında mədəni qastrol proqramı təşkil ediləcək.
Sumqayit24.az xəbər verir ki, bu barədə Mədəniyyət Nazirliyi məlumat yayıb.
Məlumatda qeyd olunub ki, qastrol proqramı 29 aprel saat 18:00-da Sumqayıtda Azərbaycan Dövlət Akademik Opera və Balet Teatrı simfonik orkestri, solistləri və xor kollektivinin müşayiəti ilə təşkil ediləcək.
Qeyd edək ki, layihə paytaxt və bölgələri vahid proqram çərçivəsində birləşdirən, ölkə üzrə geniş coğrafiyanı əhatə edən ilk sistemli mədəni qastrol təşəbbüslərindən biridir.
Proqramın məqsədi regionlarda mədəni həyatın canlandırılması, yüksək səviyyəli incəsənət nümunələrinin daha geniş auditoriyaya təqdim olunması və ölkə üzrə vahid mədəni məkanın möhkəmləndirilməsidir.
