Sumqayıtda məktəbin qarşısında xoşagəlməz vəziyyət yaranıb.
Sumqayit24.az-a müraciət edən vətəndaşların sözlərinə görə, 10 nömrəli məktəbin qarşısı nəzarətsiz qalıb.
"Yararsız zibil yeşiyini və kəsilmiş ağacları uşaqların məktəb yoluna atıblar. Bundan əlavə, yol yararsız vəziyyətdədir. Yağış yağanda buradan keçmək xüsusilə uşaqlar üçün çətin olur. 1999-cu ildə bu məktəbdə birinci sinifə getmişəm. O vaxt necə idisə, indi də elədir", - deyə Sumqayıt sakini bildirib.
Vətəndaşlar aidiyyəti qurumlardan əraziyə baxış keçirilməsini və problemin aradan qaldırılmasını tələb edirlər.
