Ukraynada idman sahəsində çox tanınan Sumqayıtda yaşamış soydaşımız vəfat edib.
Sumqayit24.az-a daxil olan məlumata görə, Odessadakı Azərbaycan diasporuna ağır itki üz verib. Belə ki, Ukraynanın əməkdar idman və bədən tərbiyəsi işçisi, boks üzrə Odessa vilayəti üzrə yığma komandanın və "Levşa" klubunun əsas baş məşqçisi Azər Mustafayev ötən gün dünyasını dəyişib.
Qeyd edək ki, Azər Mustafayev eyni zamanda İ.İ Mecnikov adına universitetin idman və bədən tərbiyəsi kafedrasında çalışırdı.
Mərhum yüzlərlə gəncə boksun sirlərini öyrədib, onun yetirmələri Ukrayna, dünya və Avropa çempionatlarında uğur qazanıblar.
O, əslən Qazax rayonundan idi. Gənclik dövründə isə Sumqayıtda yaşayıb və boksçu kimi tanınıb.
Allah rəhmət eləsin!
