Sumqayıtda avtobus dayanacağı ilə bağlı narazılıq yaranıb.
Sumqayit24.az-a daxil olan məlumata görə, 18-ci mikrorayonda, Pərviz Təhməzov küçəsində avtobus dayanacağını göstərən yol nişanı quraşdırılsa da, avtobuslar burada dayanmır.
Vətəndaşın sözlərinə görə, məsələ ilə bağlı sürücülərə müraciət etdikdə, onlara bu yerdə dayanmağa icazə verilmədiyi bildirilib.
"İcazə yoxdursa, niyə burada belə bir nişan quraşdırılıb?", – deyə vətəndaş narazılığını ifadə edib.
