Birinci sinfə elektron qeydiyyat prosesinə hazırlıq çərçivəsində Sumqayıt şəhərində yaşayan, övladları I sinfə gedəcək valideynlərin mikroərazilər üzrə ünvanlarının dəqiqləşdirilməsi ilə bağlı müraciətlərinin qəbulu müddəti 15 aprel saat 18:00 tarixində yekunlaşır.
Sumqayit24.az xəbər verir ki, vətəndaşlar bu müddət ərzində daimi qeydiyyat ünvanının dislokasiyada olmasını dəqiqləşdirməlidirlər. Daimi qeydiyyat ünvanı dislokasiyada olmayan valideynlər 15 aprel saat 18:00 tarixinədək Sumqayıt şəhər 2 saylı "ASAN xidmət" mərkəzinin təhsil xidmətləri bölməsinə yaxınlaşa bilərlər.
Qeyd edək ki, hazırkı tarixədək Sumqayıt şəhəri üzrə isə 32 valideyn mikroərazilər üzrə ünvanlarının dəqiqləşdirilməsi ilə bağlı müraciət edib.
