Sumqayıt şəhəri, Kimyaçılar qəsəbəsində yerləşən poladəritmə sexində fevralın 27-də baş verən partlayış zamanı xəsarət alan fəhlələrdən biri müalicə aldığı xəstəxanada dünyasını dəyişib.
Sumqayit24.az xəbər verir ki, sexdə quraşdırılmış sobanın partlaması nəticəsində orada işləyən 1994-cü il təvəllüdlü Elməddin Nurəddin oğlu İsmayılov, 1989-cu il təvəllüdlü Ceyhun Zakir oğlu Davidov və 1997-ci il təvəllüdlü Coşqun Ruşan oğlu Məmmədov müxtəlif dərəcəli yanıq xəsarətləri almışdılar.
Yaralılar dərhal tibb müəssisəsinə çatdırılıb.
Redaksiyamıza Baku Medical Plazanın rəsmisi Rüfət Şabanov bildirib ki, həkimlərin səylərinə baxmayaraq, Coşqun Məmmədovun həyatını xilas etmək mümkün olmayıb.
Faktla bağlı araşdırma aparılır.
